Kosningaáherslur
Kex framboðs
2026-2030
Fræðslu- og frístundarmál
Kex vill
Ljúka vinnu við hönnun og hefja byggingu nýs íþróttahúss á Höfn.
Úttekt á núverandi húsnæði, aðstöðu og skólalóð Grunnskóla Hornafjarðar af óháðum aðila svo hægt sé að ráðast í endurbætur þar sem þörfin er mest.
Fara yfir fyrirliggjandi gögn um skólalóð Hafnarskóla og ráðast í markvissa uppbyggingu á öruggu, aðlaðandi og fjölbreyttu leiksvæði fyrir börn.
Leggja grunn að framtíðaruppbyggingu Grunnskóla Hornafjarðar þar sem að starfsemi hans myndi rúmast í einni byggingu.
Vinna að því að koma á samstarfi á milli sveitarfélagsins og ungmennafélaganna í sveitarfélaginu til þess að tryggja frekari frístundaþátttöku barna í dreifbýli.
Móta starfshóp með þeim tilgangi að bæta starfsaðstæður starfsfólks við Grunnskóla Hornafjarðar, líkt og gert var fyrir leikskólann Sjónarhól á yfirstandandi kjörtímabili.
Koma á legg fjölgreinaverkefni svo að öll börn í 1.-2. bekk hafi möguleika á að æfa allar íþróttir fyrir sanngjarnt gjald.
Tekjutengdan frístundastyrk til þess að jafna aðgengi barna að frístundum óháð fjárhag.
Lækka leikskólagjöld niður í að minnsta kosti 25.000 krónur miðað við fulla vistun með fæði.
Fara í markvissa vinnu til þess að auka þátttöku barna af erlendum uppruna í tómstunda- og félagsstarfi.
Að fjölskyldur greiði einungis eitt vistunargjald, óháð fjölda barna í leikskóla og Kátakoti.
Hefja undirbúning við nemendagarða fyrir FAS í samstarfi við framhaldsskólann og ríkið.
Horfa til framtíðar með fólksfjölgun í huga og fara í undirbúning á öðru húsnæði fyrir leikskóla á Höfn.
Reisa fjölnotahús við Hofgarð með þarfir grunnskóla og félagslífs íbúa í huga.
Efla enn frekar viðburði og fræðslu á vegum fræðslu- og frístundanefndar til þess að vinna gegn hatursorðræðu og fordómum gagnvart hinsegin fólki í samfélaginu.
Velferðarmál
Kex vill
Halda áfram samstarfi við Bríeti leigufélag um uppbyggingu óhagnaðardrifins leiguhúsnæðis.
Hefja samtal við önnur óhagnaðardrifin leigufélög um uppbyggingu leiguhúsnæðis fyrir lægri tekjuhópa.
Hefja undirbúning varðandi framtíðaruppbyggingu við Ekru.
Halda áfram með fyrirhugaðar endurbætur á félagsaðstöðu í Ekru.
Tryggja áframhaldandi samtal og samstarf við HSU um bætta heilbrigðisþjónustu í dreifbýli.
Styðja og efla heilsueflingu eldri borgara í þéttbýli og dreifbýli.
Fara í þarfagreiningu á búsetuúrræði fyrir fatlað fólk.
Fara í þarfagreiningu á sérhæfðum búsetuúrræðum fyrir aldraða, t.d. öryggis- og/eða þjónustuíbúðir.
Efla Vinnu- og hæfingarstöðina og koma á verndaðri vinnu fyrir fólk með skerta starfsgetu.
Tryggja áframhaldandi samning um samræmda móttöku flóttafólks.
Efla enn frekar viðburði og fræðslu á vegum fjölmenningarráðs til þess að vinna gegn hatursorðræðu og fordómum gagnvart fólki af erlendum uppruna í samfélaginu.
Umhverfis-, skipulags- og hafnarmál
Kex vill
Fara í heildarendurskoðun á sorpmálaflokknum til þess að auka hvata til flokkunar, draga úr álögum á íbúa og ná hagræðingu sem stefnt hefur verið að og fjárfest í á kjörtímabilinu.
Fara í tilraunaverkefni, samhliða heildarendurskoðun á sorpmálum, með það að markmiði að innleiða sanngjarnt gjaldkerfi þar sem íbúar greiða eingöngu fyrir sitt eigið sorp.
Að sveitarfélagið greiði flutningskostnað við sorphirðu svo að fjárhagslegur ávinningur skili sér til íbúa.
Endurskoða fyrirkomulag á söfnun á öðrum sorphirðuflokkum í dreifbýli árlega svo sem söfnun á járni.
Ljúka áætluðum endurbótum á Gárunni og hefja undirbúning á framtíðarútfærslu fyrir nýtt móttökusvæði í jaðri þéttbýlis.
Koma á fót grenndarstöðvum í dreifbýli. Leitast eftir samstarfi við ungmennafélögin og/eða íbúa í dreifbýli um rekstur þeirra.
Kaupa brennsluofn fyrir dýrahræ og koma honum fyrir á hentugum stað.
Virkja hlutverk umhverfis- og skipulagsnefndar sem náttúruverndarnefndar, m.a. með virku samtali við fagstofnanir a.m.k. einu sinni á ári.
Fjölga og bæta aðgengi að sorptunnum á almenningssvæðum í þéttbýli og tryggja losun þeirra.
Tryggja skýra ábyrgð og yfirsýn varðandi umhirðu og ásýnd umhverfisins, með áherslu á opin svæði, leikvelli og viðhald þeirra.
Fylgja eftir nýsamþykktri framtíðarsýn um leikvelli og útisvæði til þess að tryggja reglulega endurnýjun og viðhald.
Byggja að minnsta kosti tvo leikvelli á kjörtímabilinu samhliða viðhaldi og endurnýjun á öðrum. Uppbygging á nýjum leikvöllum yrði í dreifbýli en endurnýjun myndi eiga sér stað á leikvöllum innan Hafnar.
Móta aðgerðaáætlun og tryggja fjármögnun í aðgengismálum með það að markmiði að laga göngustíga, gangbrautir og aðgengi að stofnunum og húsnæði sveitarfélagsins.
Setja upp hóflega og lágstemmda lýsingu á strandstíginn á Höfn líkt og fjárhagsáætlun fyrir árið 2026, sem og langtímaáætlanir, gera ráð fyrir.
Setja fleiri bekki á strandstíginn sem og á önnur græn svæði í þéttbýli og dreifbýli, svo sem við félagsheimilin og leikvelli.
Fara í endurbætur á Mánagarði og laga girðingar í kringum bygginguna og völlinn.
Sækja aftur um í Framkvæmdasjóð ferðamannastaða og fara í uppbyggingu á útivistarsvæði á Leiðarhöfða.
Fara í endurskipulag og endurbætur á samkomu- og útivistarsvæði á miðsvæði Hafnar með þarfir grunnskólans, íþróttastarfs og íbúa í huga.
Vinna að útfærslu á stíg inn í Nesjahverfi í samráði við Vegagerðina nú þegar framkvæmdum á nýjum vegi er að ljúka.
Koma á björgunarmiðstöð í Öræfum í samstarfi við ríkið og halda áfram að vinna að bættum aðbúnaði og innviðum fyrir slökkvilið.
Halda ótrauð áfram að draga úr umferðarhraða í þéttbýli með hraðatakmarkandi aðgerðum.
Umferðaröryggisáætlun setji gangandi og hjólandi umferð í forgrunn.
Auka öryggi starfsmanna og vegfarenda á hafnarsvæðinu með skýrri stýringu á umferð og bílastæðum á bryggjum og athafnasvæðum, þar sem aðgengi er skilgreint og merkt. Umferð starfsmanna og vinnutækja í forgangi.
Leggja áherslu við stjórnvöld og Vegagerðina að endurnýjun á loðnubryggju verði færð til ársins 2027 þannig að hönnun geti farið fram á þessu ári og framkvæmd á því næsta.
Atvinnu- og menningarmál
Kex vill
Móta heildstæða stefnu um framtíð ferðaþjónustunnar í þéttu samtali og samráði við samfélagið í heild sinni.
Fylgja því fast eftir að Vatnajökulsþjóðgarður uppfylli lögbundin markmið sín um því að efla byggð og atvinnustarfsemi í nágrenni hans, jafnframt því að stjórnskipulagið stuðli að virkri aðkomu og þátttöku heimamanna í ákvörðunum sem hafa áhrif á nærumhverfi þeirra og afkomu.
Fjölga lóðum undir atvinnustarfsemi og skipuleggja slíkar á svæðinu við Fjárhúsavík.
Færa gámasvæðið á þegar skipulagt athafnasvæði nærri Fjárhúsavík
Tryggja rekstrargrundvöll Atvinnu- og rannsóknarsjóðs og bæta við 10 milljónum í sjóðinn strax í næstu fjárhagsáætlun.
Halda áfram að styðja við öflugt starf Menningarmiðstöðvar, meðal annars í Gömlubúð.
Tryggja að Mikligarður verði að hluta til áfram undir starfsemi listafólks.
Styðja við fjölbreytt menningarstarf í öllu sveitarfélaginu.
Sveitarfélagið óski eftir samstarfi við Búnaðarfélag Austur-Skaftafellssýslu og Vegagerðina um uppsetningu og viðhalds girðinga við þjóðveg 1.
Stjórnsýsla og fjármál
Kex vill
Lækka fasteignagjöld eins og kostur er án þess að veikja fjárhagsstöðu eða draga úr fjárfestingargetu sveitarfélagsins.
Lækka fasteignaskatt á atvinnuhúsnæði úr 1.65% í 1.57%.
Vinna áfram að bættu upplýsingaflæði til íbúa til dæmis með reglulegum fréttabréfum frá sveitarfélaginu.
Fara yfir verkferla þannig að skipulagsmál sem varða sömu landareign verði tengd saman svo að umsagnir og gögn fylgi á milli skipulagsbreytinga.
Vinna að framtíðarsýn í hverri sveit í samráði við íbúaráðin.
Nota reynslu líðandi kjörtímabils til að móta framtíðarfyrirkomulag íbúðaráða, eða annarra valmöguleika, til að tryggja að sjónarmið íbúa í dreifbýlinu skili sér inn í stjórnsýsluna.
Þrýsta á ríkið að fjármagn vegna vaktar lögreglu á háannatíma í Öræfum sé tryggt til lengri tíma.
Setja þrýsting á fjarskiptafyrirtæki með það að markmiði að tryggja öruggt og gott fjarskiptasamband í sveitarfélaginu.